Түр хүлээнэ үү...

Аяллын мэдээллийг татаж байна

Аяллын тухай

Хүйсийн Найман нуур нь Өвөрхангай аймгийн төв Арвайхээр хотоос 115 км-т орших ба Улаанбаатар хотоос аймгийн төв хүртэл 450 км байдаг. Хүйсийн Найман нуур нь Монгол орны төв хэсэг, Хангайн уулсын дунд 2400 метрт оршдог. Тус газрын ихэнх хэсэг нь Өвөрхангай аймгийн Уянга сумын нутагт байх агаад баруун талаараа Бат-Өлзий сумтай хиллэдэг. Мөн Орхоны хөндийн байгалийн цогцолборт газрын нэг хэсэг болдог. Хойд талаараа галт уулын чулуулаг тархсан тал газраар хүрээлэгдсэн хүн ам сийрэг суурьшсан газар юм. Ширээт, Мухар, Халиут, Бугат,Хаяа, Шанаа Дөрөө ,Хүйс хэмээн нэрлэгдсэн найман нуур байх бөгөөд хоорондоо газар доор усны судлаар холбогдсон байдаг. Улаан цутгалан — Монгол улсын Өвөрхангай аймгийн Бат-өлзий сумын нутагт, Орхон голд цутгах Улаан гол дээрх хүрхрээ юм. Хүрхрээний өндөр нь 24 метр байдаг бол Орхон голын усны их багаас хамаарч 25-50 метрийн хооронд хэлбэлзэж байдаг болохоор Монгол улсын хамгийн өргөн хүрхрээ болно. Бат-өлзий сумын төвөөс баруун тийш 20 км зайтай. Улаан цутгалангийн хүрхрээ нь Монгол орны аялал жуулчлалын гол зорин очих газруудын нэг юм.

Аяллын хөтөлбөр

Day 1

1 өдөр

Өглөө товлосон газраа цуглаад Өвөрхангай аймгийн Уянга сумын Хүйсийн 8 нуурын зүг аялалаа эхлүүлнэ. Аяллын замд Арвайхээрийн төв орчим өдрийн хоол иднэ. Аялал цааш үргэлжилж “Монгол түмний “Морины Их шүтээн” цогцолбор, Уянга сум болон Шурангийн “Улаан Цохио”-г дайран Найман нуурын ойролцоо буудаллаж тэндээ амарцгаана. Шурангийн “Улаан Цохио” нь “Хүйсийн Найман Нуур”-ын зүг явж байхад замд 28 метр өндөртэй хадан цохио таарна. Энэхүү цохиог сайн ажвал урд хэсэгт эртний бичээс бий бөгөөд цохиог давуулан чулуу шидсэн тохиолдолд олон малтай болж хүсэл биелэнэ хэмээн үздэг аж. Үүгээр зорин ирсэн хүмүүс хүслээ биелүүлэх гэж цохиог давуулан чулуу шидэх оролдлог хийж үздэг байна. Та ч бас шидээд үзэх боломжтой.

Day 2

2 өдөр

Өглөө цайны дараа машиндаа суугаад “Хүйсийн 8 нуур“-ийн зүг аялал эхэлнэ. Ширээтийн давааг давж ширээт нуурын эргэ дээр өдрийн хоолоо идэцгээнэ. Хоолны дараа морин аялал эхэлж газарчин хөтөч нарын хамт сарлагт ачаа тээшээ нуруу ачаад “Түшээ”–гийн даваан дээр гарч үзэсгэлэн төгс харагдах “Мухар нуур”-ийн байгалийн үзэсгэлэнтэй хослуулсан Фото зураг, Видео бичлэг хийнэ. Аяллын замд Хүйсийн 8 нуурын хөндий Бугат, Хаяа, Дөрөө, Баян, Хүйс нууруудын байгалийн сайхнаар аялж орой тэндээ амарцгаана. Энэ өдөр мориор 25км 3-4 цаг, машинаар 10 орчим км 1-2 цаг аялна. “Хүйсийн Найман Нуур” нь Өвөрхангай аймгийн Уянга сумын нутагт Хангайн нурууны зүүн урд хэсэгт 2700-3216 м.т өргөгдсөн сүрлэг уулсын дунд Ширээт, Халиут, Бугат, Хаяа, Шанаа, Хүйс, Дөрөө, Баян-уул хэмээх 8 нуур оршдог. Нуурууд хоорондоо 500 метрээс 3 км зайтай газар доорх усны судлаар холбогдсон ба 4-р галвийн үед галт уулын дэлбэрэлтээс үүсэж тогтсон биет болон биет бус өв байгальдаа үлдсэн гайхалтай сайхан нутаг билээ.

Day 3

3 өдөр

Өглөө цайны дараа аялал эхэлнэ.“Хүйсийн 8 нуур”-ын хөндийд аялна. “Бодон” хэмээх сүрлэг сайхан байрханаар давж “Бөөрөг”-т ирж үдийн зоог барьна. дараа нь аялал машинаар үргэлжилж байгалийн сайхнаар аялж орой Улаанцутгалан орчим ирж жуулчны баазын гэрт амарцгаана. Энэ өдөр мориор 15км 2-3 цаг, машинаар 20 орчим км 2-3 цаг аялна.

Day 4

4 өдөр

Өглөө цайны дараа аялал эхэлнэ. Үдээс өмнө Улаан Цутгаланг тольдон үзэж зураг бичлэг авхуулцгаана. Өдрийн хоолны дараа Улаанцутгалан , Орхон голын бага хүрхрээ орчмоор аялна. Орой гэртэй ирж амарцгаана. Энэ өдөр машинаар 20 км орчим 5-6 цаг аялна.

Day 5

5 өдөр

Өглөө цайны дараа аялал эхэлнэ. Дахин Улаан Цутгалан орж хүрхрээ орчимоор аялна. Өдрийн хоолны дараа Улаанбаатар хот руу хөдөлнө. Аяллын замд Бат-өлзий, Хужирт сумдаар дайран, Тэмээн чулуут, Үүртийн тохойг үзнэ. Хангай Говийн хослол Элсэн Тасархайд түр саатан оройн хоолоо идэцгээнэ. Орой Улаанбаатар хотод ирж аялал өндөрлөнө. Энэ өдөр машинаар 520 орчим км 8-9 цаг аялна.